תנ"ך על הפרק
דברי הימים א כב
וַיֹּ֣אמֶר דָּוִ֔יד זֶ֣ה ה֔וּא בֵּ֖ית יְהוָ֣ה הָאֱלֹהִ֑ים וְזֶה־מִּזְבֵּ֥חַ לְעֹלָ֖ה לְיִשְׂרָאֵֽל׃וַיֹּ֣אמֶר דָּוִ֔יד לִכְנוֹס֙ אֶת־הַגֵּרִ֔ים אֲשֶׁ֖ר בְּאֶ֣רֶץ יִשְׂרָאֵ֑ל וַיַּעֲמֵ֣ד חֹֽצְבִ֗ים לַחְצוֹב֙ אַבְנֵ֣י גָזִ֔ית לִבְנ֖וֹת בֵּ֥ית הָאֱלֹהִֽים׃וּבַרְזֶ֣ל ׀ לָ֠רֹב לַֽמִּסְמְרִ֞ים לְדַלְת֧וֹת הַשְּׁעָרִ֛ים וְלַֽמְחַבְּר֖וֹת הֵכִ֣ין דָּוִ֑יד וּנְחֹ֥שֶׁת לָרֹ֖ב אֵ֥ין מִשְׁקָֽל׃וַעֲצֵ֥י אֲרָזִ֖ים לְאֵ֣ין מִסְפָּ֑ר כִּֽי הֵ֠בִיאוּ הַצִּֽידֹנִ֨ים וְהַצֹּרִ֜ים עֲצֵ֧י אֲרָזִ֛ים לָרֹ֖ב לְדָוִֽיד׃וַיֹּ֣אמֶר דָּוִ֗יד שְׁלֹמֹ֣ה בְנִי֮ נַ֣עַר וָרָךְ֒ וְהַבַּ֜יִת לִבְנ֣וֹת לַיהוָ֗ה לְהַגְדִּ֨יל ׀ לְמַ֜עְלָה לְשֵׁ֤ם וּלְתִפְאֶ֙רֶת֙ לְכָל־הָ֣אֲרָצ֔וֹת אָכִ֥ינָה נָּ֖א ל֑וֹ וַיָּ֧כֶן דָּוִ֛יד לָרֹ֖ב לִפְנֵ֥י מוֹתֽוֹ׃וַיִּקְרָ֖א לִשְׁלֹמֹ֣ה בְנ֑וֹ וַיְצַוֵּ֙הוּ֙ לִבְנ֣וֹת בַּ֔יִת לַיהוָ֖ה אֱלֹהֵ֥י יִשְׂרָאֵֽל׃וַיֹּ֥אמֶר דָּוִ֖יד לִשְׁלֹמֹ֑הבנובְּנִ֕יאֲנִי֙ הָיָ֣ה עִם־לְבָבִ֔י לִבְנ֣וֹת בַּ֔יִת לְשֵׁ֖ם יְהוָ֥ה אֱלֹהָֽי׃וַיְהִ֨י עָלַ֤י דְּבַר־יְהוָה֙ לֵאמֹ֔ר דָּ֤ם לָרֹב֙ שָׁפַ֔כְתָּ וּמִלְחָמ֥וֹת גְּדֹל֖וֹת עָשִׂ֑יתָ לֹֽא־תִבְנֶ֥ה בַ֙יִת֙ לִשְׁמִ֔י כִּ֚י דָּמִ֣ים רַבִּ֔ים שָׁפַ֥כְתָּ אַ֖רְצָה לְפָנָֽי׃הִנֵּה־בֵ֞ן נוֹלָ֣ד לָ֗ךְ ה֤וּא יִהְיֶה֙ אִ֣ישׁ מְנוּחָ֔ה וַהֲנִח֥וֹתִי ל֛וֹ מִכָּל־אוֹיְבָ֖יו מִסָּבִ֑יב כִּ֤י שְׁלֹמֹה֙ יִהְיֶ֣ה שְׁמ֔וֹ וְשָׁל֥וֹם וָשֶׁ֛קֶט אֶתֵּ֥ן עַל־יִשְׂרָאֵ֖ל בְּיָמָֽיו׃הֽוּא־יִבְנֶ֥ה בַ֙יִת֙ לִשְׁמִ֔י וְהוּא֙ יִהְיֶה־לִּ֣י לְבֵ֔ן וַאֲנִי־ל֖וֹ לְאָ֑ב וַהֲכִ֨ינוֹתִ֜י כִּסֵּ֧א מַלְכוּת֛וֹ עַל־יִשְׂרָאֵ֖ל עַד־עוֹלָֽם׃עַתָּ֣ה בְנִ֔י יְהִ֥י יְהוָ֖ה עִמָּ֑ךְ וְהִצְלַחְתָּ֗ וּבָנִ֙יתָ֙ בֵּ֚ית יְהוָ֣ה אֱלֹהֶ֔יךָ כַּאֲשֶׁ֖ר דִּבֶּ֥ר עָלֶֽיךָ׃אַ֣ךְ יִֽתֶּן־לְּךָ֤ יְהוָה֙ שֵׂ֣כֶל וּבִינָ֔ה וִֽיצַוְּךָ֖ עַל־יִשְׂרָאֵ֑ל וְלִשְׁמ֕וֹר אֶת־תּוֹרַ֖ת יְהוָ֥ה אֱלֹהֶֽיךָ׃אָ֣ז תַּצְלִ֔יחַ אִם־תִּשְׁמ֗וֹר לַעֲשׂוֹת֙ אֶת־הַֽחֻקִּ֣ים וְאֶת־הַמִּשְׁפָּטִ֔ים אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה עַל־יִשְׂרָאֵ֑ל חֲזַ֣ק וֶאֱמָ֔ץ אַל־תִּירָ֖א וְאַל־תֵּחָֽת׃וְהִנֵּ֨ה בְעָנְיִ֜י הֲכִינ֣וֹתִי לְבֵית־יְהוָ֗ה זָהָ֞ב כִּכָּרִ֤ים מֵֽאָה־אֶ֙לֶף֙ וְכֶ֗סֶף אֶ֤לֶף אֲלָפִים֙ כִּכָּרִ֔ים וְלַנְּחֹ֤שֶׁת וְלַבַּרְזֶל֙ אֵ֣ין מִשְׁקָ֔ל כִּ֥י לָרֹ֖ב הָיָ֑ה וְעֵצִ֤ים וַאֲבָנִים֙ הֲכִינ֔וֹתִי וַעֲלֵיהֶ֖ם תּוֹסִֽיף׃וְעִמְּךָ֤ לָרֹב֙ עֹשֵׂ֣י מְלָאכָ֔ה חֹצְבִ֕ים וְחָרָשֵׁ֥י אֶ֖בֶן וָעֵ֑ץ וְכָל־חָכָ֖ם בְּכָל־מְלָאכָֽה׃לַזָּהָ֥ב לַכֶּ֛סֶף וְלַנְּחֹ֥שֶׁת וְלַבַּרְזֶ֖ל אֵ֣ין מִסְפָּ֑ר ק֣וּם וַעֲשֵׂ֔ה וִיהִ֥י יְהוָ֖ה עִמָּֽךְ׃וַיְצַ֤ו דָּוִיד֙ לְכָל־שָׂרֵ֣י יִשְׂרָאֵ֔ל לַעְזֹ֖ר לִשְׁלֹמֹ֥ה בְנֽוֹ׃הֲלֹ֨א יְהוָ֤ה אֱלֹֽהֵיכֶם֙ עִמָּכֶ֔ם וְהֵנִ֥יחַ לָכֶ֖ם מִסָּבִ֑יב כִּ֣י ׀ נָתַ֣ן בְּיָדִ֗י אֵ֚ת יֹשְׁבֵ֣י הָאָ֔רֶץ וְנִכְבְּשָׁ֥ה הָאָ֛רֶץ לִפְנֵ֥י יְהוָ֖ה וְלִפְנֵ֥י עַמּֽוֹ׃עַתָּ֗ה תְּנ֤וּ לְבַבְכֶם֙ וְנַפְשְׁכֶ֔ם לִדְר֖וֹשׁ לַיהוָ֣ה אֱלֹהֵיכֶ֑ם וְק֗וּמוּ וּבְנוּ֙ אֶת־מִקְדַּשׁ֙ יְהוָ֣ה הָֽאֱלֹהִ֔ים לְהָבִ֞יא אֶת־אֲר֣וֹן בְּרִית־יְהוָ֗ה וּכְלֵי֙ קֹ֣דֶשׁ הָֽאֱלֹהִ֔ים לַבַּ֖יִת הַנִּבְנֶ֥ה לְשֵׁם־יְהוָֽה׃
פירוש על הפרק
וַאֲמַר דָוִד דֵין הוּא אַתְרָא דִכְשַׁר לְמִתְבְּנָאָה תַמָן בֵּית מַקְדְשָׁא דַייָ וְדֵין מַדְבְּחָא דִכְשַׁר לַעֲלָתָא לִדְבֵית יִשְרָאֵל:
וַאֲמַר דָוִד לְמִכְנַשׁ יַת גִיוֹרַיָא דִי בְאַרְעָא דְיִשְרָאֵל וַאֲקֵים פַּסְלִין לְמִפְסַל אַבְנִין פְּסִילַן לְמִבְנֵי בֵית מַקְדְשָׁא דַיָי:
וּפַּרְזְלָא סַגִי לְמַסְמְרִין לְדָשֵׁי תַרְעַיָא לְלַפְּפָא (ס"א לְלַפְפֵי) אַתְקֵן דָוִד וּנְחָשָׁא לְסוּגְעָא עַד דְלָא אֶפְשַׁר לְמִתְקַל:
וְקֵיסֵי אֲרָזַיָא עַד דְלֵית מִנְיָן אֲרוּם אַיְתֵיאוּ צִיוֹדָנָאֵי וְצוֹרָאֵי קֵיסֵי אֲרָזַיָא לְסוּגְעָא לְדָוִד:
וַאֲמַר דָוִד שְׁלמה בְרִי רוֹבִי וְרַכִּיךְ וּבֵית מַקְדְשָׁא לְמִבְנֵי לִשְׁמָא דַייָ חָסִין לְאַסְגָאָה לְעֵלָא לִשְׁמָא דַייָ וּלְתֻשְׁבְּחָא לְכָל אַרְעֲתָא אִיתַּקַן (ס"א אַתְקֵן) כַּדוּן לֵיהּ וְתַקִין דָוִד לְסוּגְעָא קֳדָם מוֹתֵיהּ:
וּקְרָא לִשְׁלמה בְרֵיהּ וּפַקְדֵיהּ לְמִבְנֵי בֵּית מַקְדְשָׁא לִשְׁמָא דַייָ אֱלָהָא דְיִשְרָאֵל:
וַאֲמַר דָוִד לִשְׁלמה בְּרִי אֲנָא הֲוָה עִם לִבְבִי לְמִבְנֵי בֵּית מַקְדְשָׁא לִשְׁמָא דַייָ אֱלהָי:
וַהֲוָה עֲלַי פִּתְגָם נְבוּאָה מִן קֳדָם יְיָ לְמֵימָר אַדְמָא לְסוּגְעָא אַשְׁדֵיתָא וּקְרָבִין רַבְרְבָן עֲבַדְתָּא לָא אֶפְשַׁר לָךְ לְמִבְנֵי בֵּית מַקְדְשָׁא לִשְׁמִי אֲרוּם אַדְמִין סַגִיעִין אַשְׁדֵיתָא עַל אַרְעָא קֳדָמַי:
הָא בַּר אִתְיְלִיד לָךְ הוּא יְהֵא גַבְרָא (ס"א גְבַר) נְיָחָא וַאֲנִיחַ לֵיהּ מִכָל בַּעֲלֵי דְבָבוֹי מִן חֲזוֹר חֲזוֹר אֲרוּם שְׁלמה יְהֵי שְׁמֵיהּ וּשְׁלָמָא וְשַׁדוּכָא אֶתֵּן עַל יִשְרָאֵל בְּיוֹמוֹהִי:
הוּא יִבְנֵי בֵּית מַקְדְשָׁא לִשְׁמִי וְהוּא יְהֵי חָבִיב קֳדָמַי כִּבְרָא וַאֲנָא אֲרַחֵים לֵיהּ הֵי כְאַבָּא וְאַתְקֵן כּוּרְסֵי מַלְכוּתֵיהּ עַל יִשְרָאֵל עַד עָלְמָא:
וְכַדוּן בְּרִי יְהֵי מֵימְרָא דַייָ בְּסַעְדָךְ וְתַצְלַח וְתִבְנֵי בֵּית מַקְדְשָׁא דַייָ אֱלָהָךְ הֵיכְמָה דִי מַלֵל עֲלָךְ:
בְּרַך יִתֵּן לָךְ יְיָ סֻכְלְתָנָא וּבְיוֹנְתָּא וִימַנִינָךְ לְמַלְכָּא עַל יִשְרָאֵל וּלְמִנְטַר יַת אוֹרַיְתָא דַייָ אֱלָהָךְ:
הָא בְּכֵין תַּצְלַח אִין תִּינְטַר (ס"א תִּטַר) לְמֶעְבַּד יַת קְיָמָא דַייָ וְיַת דִינַיָא דִי פַקֵיד יְיָ יַת משֶׁה עַל יִשְרָאֵל תְּקַף וֶאֱלֵם לָא תִדְחַל וְלָא תִתְּבָר:
וְהָא בְּסִגוּפִי וּבְצוֹמִי אַתְקֵנִית לְבֵית מַקְדְשָׁא דַייָ דַהֲבָא קִנְטְרִין מְאָה אַלְפִין וְכַסְפָּא אֲלַף אַלְפִין קִנְטְרִין וְלִנְחָשָׁא וּלְפַרְזָלָא לֵית מַתְקַל אֲרוּם לְסִגְעָא הֲוָה וְקֵיסִין וְאַבְנִין אַתְקְנִית וְעִלָוֵיהוֹן תּוֹסִיף:
וְעִמָךְ לְסוּגֵי עָבְדֵי עֲבִידְתָּא פְסוֹלַיָא וְנַגָרֵי אַבְנָא וְקִיסָא וְכָל חַכִּימָא בְּכָל עֲבִידְתָּא:
לְדַהֲבָא לְכַסְפָּא לִנְחָשָׁא וּלְפַרְזָלָא לֵית סְכוֹם וּמִנְיָן קוּם וַעֲבֵיד וִיהֵא מֵימְרָא דַייָ בְּסַעְדָךְ:
וּפַקֵיד דָוִד לְכָל סַרְכֵי יִשְרָאֵל לְסַיָעָא לִשְׁלמה בְּרֵיהּ:
הֲלָא מֵימְרָא דַייָ אֱלָהָכוֹן בְּסַעְדְכוֹן וְיַנִיחַ לְכוֹן מִן חֲזוֹר חֲזוֹר אֲרוּם מְסַר בִּידִי יַת כָּל יָתְבֵי אַרְעָא וְאִתְכְּבִישַׁת אַרְעָא קֳדָם יְיָ וּקְדָם עַמֵיהּ:
כַּדוּן הָבוּ לִבְּכוֹן וְנַפְשְׁכוֹן לְמִתְבַּע מִן קֳדָם יְיָ אֱלָהָכוֹן וְקוּמוּ וּבְנוּ יַת בֵּית מַקְדְשָׁא דַייָ אֱלָהָכוֹן לְאָעָלָא יַת אֲרוֹן קְיָמָא דַייָ וּמָאנֵי קוּדְשָׁא דַייָ לְבֵיתָא דְמִתְבְּנֵי לִשְׁמָא דַיָי:
תוכן עניינים
ניווט בפרקי התנ"ך
